Informasjonsteknologi og medieproduksjon

Er du interessert i å produsere innhald for sosiale medium, setje saman datamaskinar og nettverk, lage spel og appar, eller intervjue folk? Viss du òg vil ta fagbrev, er dette studiet for deg.

Kven passar studiet for?

Studiet passar for deg som er interessert i informasjonsteknologi og/eller mediefag.

Etter Vg1 spesialiserer du deg anten innan media eller IT. Vel du mediefaga, kan du få jobb innan video, grafisk design eller foto. Vel du IT, kan  du få jobb i IT-bransjen, til dømes med å utvikle programvare eller drifte store og små datasystem.

Alle elevane går saman første året. Andre året blir det to ulike grupper (IKT driftsfag og medieproduksjon). Etter Vg2 skal du ut i ei lærebedrift.

Kva lærer du?

  • idéutvikling og kreativ problemløysing
  • om brukarstøtte, nettverk, IT-tryggleik og programmering
  • innhaldsformidling og historieforteljing
  • foto, film og grafisk design
  • kommunikasjon og marknadsføring
  • omstillingsevne og kritisk bruk av teknologi og informasjon
  • etikk og lovverk

Les meir om informasjonsteknologi og medieproduksjon på vilbli.no

Døme på kva du kan bli:

  • IT-utviklar eller IT-driftsteknikar
  • mediedesignar, medieteknikar eller medieprodusent

Sjå alle yrke og kompetansar

Arbeidsstader

  • IT-driftsselskap og IT-avdelingar
  • multimediebedrifter, reklamebyrå eller forlag

Skulen sitt tilbod på Vg3:

Slik søker du

Vidare utdanning

Yrkesfaglig opplæring fører fram til yrkeskompetanse (med eller utan fag- eller sveinebrev). Etter fullført yrkesfagleg opplæring kan du gå ut i arbeid eller ta vidare utdanning:

  • Du kan ta vidare utdanning på fagskule. Ei fagskuleutdanning er ei kort og yrkesretta vidareutdanning som er berekna på dei som har gått yrkesfag.
  • Du kan ta Vg3 påbygging til generell studiekompetanse
    – etter Vg2 eller
    – etter oppnådd yrkeskompetanse.
    Då har du høve til å ta høgare utdanning ved høgskule eller universitet. Hugs at nokre studiar, t.d. ingeniør-, realfags- og medisinske studiar, føreset at du har visse realfag.
  • Du kan òg søkje opptak til høgare utdanning etter forkurs eller gjennom Y-vegen, yrkesfagleg veg til høgare utdanning. Y-vegen er berekna på deg som har relevant yrkeskompetanse. Forkurs og Y-vegen er vanlegast innan realfags- og ingeniørstudium.
Sist endra 30.10.2025 19.50