Kven passar studiet for?

Bygg- og anleggsteknikk passar godt for deg som er praktisk innretta og har godt handlag. Du må kunne jobbe sjølvstendig, men samtidig vere god til å samarbeide med andre. Du må vere nøyaktig i det du gjer, og like å jobbe utandørs.

Kva lærer du?

• tømring
• betongarbeid
• muring
• rørleggararbeid
• blikkenslagararbeid
• målarfaget
• anleggsfaget

Døme på kva du kan bli: 

• tømrar, betongarbeidar, murar, taktekkar
• rørleggar, blikkenslagar, målar
• anleggsmaskinførar
• banemontør
• trevare- eller bygningsfagarbeidar
• anleggsgartnar
• byggdriftar

Alternativ opplæringsmodell for tømrarfaget

Dei som no går Vg1 bygg-og anleggsteknikk får høve til å søkje på ein alternativ opplæringsmodell i bedrift kombinert med skule. Denne modellen er alternativ fordi normalt går ein eitt år til i skule, for deretter å vore lærling i to år i bedrift. Her blir det i staden eitt år i skule og tre år i bedrift. 

Lærekontrakt med bedrift

Modellen krever at ein er i kontakt med ei bedrift, og at den bedrifta er villig til å skrive ein lærekontrakt. Det kan ta litt tid å få på plass ein slik kontrakt. Eleven og skulen må jobbe saman om dette. 

Søkje på dette alternativet innan fristen 3. mars

Det viktigaste er å søkje på dette alternativet innan fristen 3. mars, så forheld vi oss til kontraktane etter kvart som dei kjem inn. Siste frist er 1. juli. Dei som ønskjer ein slik alternativ modell, må ha dette som førsteønske på søknaden. 

Ingen har ein lovfesta rett til å få tilbod om ein alternativ opplæringsmodell. 

Elevinntak til Vg2 i skule

Elevane må i tillegg søkje Vg2 i skule. Dei som har søkt om alternativ opplæringsmodell på førsteønske, men ikkje fått nokon avtale med ei bedrift innan 1. juli, vil delta i elevinntaket til Vg2 i skule (på eit lågare ønske på søknaden). Dei som har skrive ein lærekontrakt med ei bedrift innan 1. juli ,på førsteønske på søknaden, kjem ikkje til å delta vidare i elevinntaket til Vg2 i skule.