Utgard er storstova i Lom. Saman med idrettsanlegget i Grov utgjer samfunnshuset den største samlingsplassen for kultur- og idrettsarrangement i Lom.

Det tidlegare samfunnshuset er bygt om og bygt på i to retningar. Komplekset inneheld no kulturstugu med sal og sene, idrettshall (kan delast i 3 mindre gymsalar), kjøken, kantine, møterom, trimrom, symjehall, garderobar og skulelokale for vidaregåande skule.

ROJO ARKITEKTER

Klima- og energilaboratoriet – Klimalab – på Nord-Gudbrandsdal vidaregåande skule er fullspekka med teknologisk utstyr som gjer det unikt i skulesamanheng i Noreg.

Laboratoriet er plassert på avdeling Otta. Formålet er å gje elevar i vidaregåande skule auka kunnskap om klima- og energispørsmål, og dermed større medvit om dei store utfordringane vi står overfor lokalt, regionalt, nasjonalt og globalt på dette området.

Klimalab skal vere eit framtidsretta klasserom innanfor natur- og realfag, men òg eit nasjonalt opplevingsrom og ein kunnskapsbase for skuleklassar, fagpersonar og avgjerdstakarar innanfor klima, energi og naturfag.

Sjå meir om Klimalab her

Ottahallen er eit kommunalt bygg 400 meter sør for Nord-Gudbrandsdal vidaregåande skule, avdeling Otta. 

Her har alle klassane på avdeling Otta kroppsøving, og idrettsfag har de fleste programfagstimane her. 

Otta kulturhus vart til gjennom eit samarbeid mellom Oppland fylkeskommune og Sel kommune. Det gjev skulen vår ein unik møteplass for faglege, kulturelle og sosiale arrangement.

Kulturhuset vart bygd i samband med renoveringa av avdeling Otta og vart opna hausten 2010.

Med 400 sitteplassar, stor scene og topp moderne teknisk utstyr står salen til disposisjon for skulen på dagtid. Det gjer det mogleg å samle mange av elevane til ulike framsyningar, konferansar og liknande.

For å leie Otta kulturhus, ta kontakt med Sel kommune.