Ottahallen ligg berre 400 meter sør for Nord-Gudbrandsdal vidaregåande skule, avdeling Otta, og er ein sentral arena for fysisk aktivitet og læring. Her har alle klassane ved avdelinga kroppsøving, og idrettsfag nyttar hallen til dei fleste programfagstimane.

Hallen gir elevane tilgang til moderne fasilitetar som legg til rette for variert trening og aktivitet gjennom heile året. Med god plass til ballspel, styrketrening og ulike øvingar, er Ottahallen ein viktig ressurs for å fremje både fysisk helse, samarbeid og meistring.

I tillegg til hovudhallen finst garderobeanlegg og gode fasilitetar som gjer det enkelt å kombinere undervisning med praktisk aktivitet. Ottahallen er med på å skape eit inkluderande og aktivt læringsmiljø der alle elevar får moglegheita til å utvikle seg.

Otta kulturhus vart til gjennom eit samarbeid mellom Oppland fylkeskommune og Sel kommune. Det gjev skulen vår ein unik møteplass for faglege, kulturelle og sosiale arrangement.

Kulturhuset vart bygd i samband med renoveringa av avdeling Otta og vart opna hausten 2010.

Med 400 sitteplassar, stor scene og topp moderne teknisk utstyr står salen til disposisjon for skulen på dagtid. Det gjer det mogleg å samle mange av elevane til ulike framsyningar, konferansar og liknande.

For å leie Otta kulturhus, ta kontakt med Sel kommune.

Klima- og energilaboratoriet – Klimalab – på Nord-Gudbrandsdal vidaregåande skule er fullspekka med teknologisk utstyr som gjer det unikt i skulesamanheng i Noreg.

Laboratoriet er plassert på avdeling Otta. Formålet er å gje elevar i vidaregåande skule auka kunnskap om klima- og energispørsmål, og dermed større medvit om dei store utfordringane vi står overfor lokalt, regionalt, nasjonalt og globalt på dette området.

Klimalab skal vere eit framtidsretta klasserom innanfor natur- og realfag, men òg eit nasjonalt opplevingsrom og ein kunnskapsbase for skuleklassar, fagpersonar og avgjerdstakarar innanfor klima, energi og naturfag.

INNOlab er eit rom kor vi legg til rette for samarbeid, kreativ problemløysing, utvikling og testing av nye teneste og teknologi innan helse og utdanning. 

INNOlab er samlokalisert med Klimalaben på skulen. 

Les meir om INNOlab

Øya Stadion er ein viktig del av skulekvardagen og blir flittig brukt både av idrettsfagselevane og alle elevar i kroppsøvingstimene. Anlegget gir gode moglegheiter for variert fysisk aktivitet og praktisk læring i moderne og trygge omgjevnader.

Her har elevane tilgang til to kunstgrasbaner, utandørs handballbane, volleyballbane med sand, ballbinge, løpebane med tartandekke, tennis- og padelbane, samt garderobeanlegg og møterom i klubbhuset. I tillegg ligg idretts- og symjehall rett ved, og den nye fleirbrukshallen Pillargurihallen gir endå fleire moglegheiter for aktivitet.

Gjennom bruken av Øya Stadion får elevane våre høve til å utvikle både fysisk form, samarbeidsevner og idrettsglede – ein naturleg del av eit inkluderande og aktivt læringsmiljø ved skulen.